عشرة فروق بين الشاب الخليجي والاوروبي ^_^ اكتشفوهاا

السلام عليكم

الموضوع حلوو حلووو

لووووووووووووووووول بس للعلم ترا اللهجة اماااراتيه فمن اللحين السموحه لو ما فهمتوا اي كله

وانا جاهزه اترجم الكلام لو بغيتواا

[grade="00008B FF6347 008000 4B0082"]<====== حاسة ان اليوم اخر يوم في حياتها ^_^ [/grade]
::
::

هذا الموضوع انا قريته في منتدى ^_^

وهو مخصوص لشباب الخليج هههههههههههههه
• أولا :الطفل الخليجي من صغره يعني في عمر أربع سنين يلعب بالتراب و بالحصى ...
واذا بيلعب ويا ربعه بيفرعليهم اقرب شي عنده
بينما الطفل الأوروبي يلعب بالثلج ويسوي رجل الثلج واذا بيلعب مع ربعه يرشهم بالماي ...


• ثانيا :الطفل الخليجي اذا بدا يروح للمدرسة ينش وهو يبجي ويصارخ وما يرضى الا يعطونه حلاوة كل شوي ..

بينما الطفل الأوروبي يا حياتي أول يوم يروح للمدرسة وهو يضحك ويغني ومبتسم ..
ويرجع يعلم أهله شو سوى في المدرسة

• ثالثا: الطفل الخليجي في سن عشر سنين حاقد على البنات ..يا يلعب كورة يا يلعب مصارعة ..
واذا قربت البنت يا مسكينه تبي تشاركه صرخ في ويها
( قوومي هذي لعبة أولاد مب لعبة بنات روحي لعبي بـ باربي )

بينما الطفل الأوروبي في سن عشر سنين يحسب حساب البنت معه قبل أي شي... ولا عمره يقول لها روحي لعبي بـ باربي بالعكس تشوفهم يلعبون بكل شي مع بعض


• رابعا : في سن 16- 20 الشاب الاوروبي اذا اعجبته بنت يروح يعطيها وردة ولا قطعة حلاوه أو اسطوانة موسيقية يعني كرمز للأعجاب..

بينما الشاب الخليجي اذا فرضنا أنه عيبته بنت مع أنه ما يشوف الا عباية ما يدرى شو تحتها ..
يعطيها ورقة مشقوقة ..مكتوب عليها رقم ************ ولا يقوله عشان يوفر ورق
قمة الرومانسية ههههههههههههههه


• خامسا : الشاب الأوروبي اذا حب بنت يروح يقول لأمه وأبوه إن فلانة حبيبته و ما يروح ولا يجي الا معاها ..

بينما الشاب الخليجي اذا حب واحدة يكتم الامر ليش مب علشان التقاليد .. لا علشان يقدر يغازل غيرها ..
واذا خبر حد يقول لربعه المفلع يعني انني مطيح بنات ومغازلجي •

سادسا : الشاب الأوروبي اذا ذبحته الرومانسية أخذ حبيبته في قارب على النهر وقام يجدف ويطالع فيها ..

بينما الشاب الخليجي اذا ازعجوه ربعه بأنه جذاب ولا يعرف بنات يصير همه شل حبيبته في سيارة ويمر فيها بشارع مظلم ويوقف عند بقاله كل ربعه صافين هناك يعني شوفوني مركب بنت ... :cool:

وعلى فكرة بعضهم يركبون بشاكيرهم "خداماتهم" ويلبسونهن عبايات الشكوى لله المظاهر خداعة.
•

سابعا: الشاب الأوروبي يجيب لحبيبته هدايا يا ورد يا ساعة يا عطر أو دبدوب ... :p
ويفرح اذا شاف حبيبته تستخدمهم ..

بينما الشاب الخليجي ما يعطي البنت الا قطعة الورقة اللي قلنا عنها من أول ( الرقم ) وبعدين يصير ياخذ منها
وهي على نياتها تحط له كل يومين هدية في محل باسمه وهو يجي ياخذها .


• ثامنا: الشاب الأوروبي لا سمح الله لو زعل هو و البنت ولا تفارقوا تلقاه يزعل ويبكي ويقول أنا السبب انا اللي ماعرفت أصونها

بينما الشاب الخليجي ..اذا البنت انخطبت ولا طنشته وهو أصلا ماعنده نية يتزوجها يبدأ يهدد ترى بأنشر رقمج ترى بأفضحج ..
غير الازعاجات كل يوم وكل ليلة ..على المبايل .


• تاسعا : الشاب الأوروبي دايما يسأل حبيبته ..حبيبتي شو رأيك أسوي هذا ولا أشتغل هنا ولا أدرس
شوبينما المحروس الشاب الخليجي ما يسأل البنت الا سؤالين ..تحبيني ولا لا .. .
والسؤال الأبيخ ..ربيعي يبي يتعرف على بنت ما عندك واحدة من ربيعاتك أعرفها على ربيعي ...تراه مزيون وحشيم .

• عاشرا..وآخرا وليس أخيرا: الشاب الأوروبي ينهي علاقته بالفتاة اللي يحبها بالزواج ويكونون أسرة سعيدة ...

بينما الشاب الخليجي ..لا يمكن و مستحيل وسابع المعجزات يحب بنت كان يعرفها الا يشطب على اسم عايلتها من البشرية ...
ما بقى الا هي يتزوج بنت كانت تعرف شباب...

هذي قد تعتبر اهم الفروق بين الشاب الخليجي والأوروبي ولا لو بنحصي كان نعد ونغلط ..

وفوق هذا كله لهم وجه يرمسون فيه ويقولون ليه ما تحبونا ..من حلاتهم ولا عيونهم الزرق هع هع
تقبلوا تحياتي<<========
طبعا مو ضروري الكلام يكون كله صحيح
لاكن فيه نسبه من الصحه وادري ان الموضوع امممممممم فيه اشووي تعدي للعادات
بس هذاا اللي نشووفه ولا تزعلون من الواقع ((السموحه )) للي ماعيبه الموضوع من اللحين ومشكور
واللي عيبه بعد مشكوور
هههههههههههههههههه


تحياتي لكم

اختكم رعبوب العين

ههههههههههههههههههههههههه ههههه

الله يرجك رجا مبرحا نافعا غير ضار رعبووب العين


يسلمو خيتو


موضوع وناسه


دمتي بود

الله يسلمك اخوووويه سلطااااان على مرورك الكريم


ويعل الضرب في اظهرك مب فيني

تحياااتي

هههههههههههههههه

طلع بينناوبينهم فرق شاسع هههههههه

يسلمو اختي رعبوب العين

ولا تحرمينا جديدك

شفت يا خليني على بااالك ^_^


عااد لازم تسافرون تاخذون دروس يوم ترجعون البلاد

طبقوااااااا الي تعلمتوه


تحياتي لك وشكرا على مرورك الكريم

مشكورة اختي رعبوب

وصراحة فروق من جد طالعة مو متوقعة لكن انا انشاء الله مابيني وبينهم فروق



ههههههههههههههههههههههههه ههههههههههههههههههههههههه ه

^_^ ان شااء الله من ثمك الى باب السمااا يالطيب


تسلم على المرور يالطيب