عجوز تتحدى ابليس

السلام عليكم ورحمة الله وبركاته




كان يا ما كان في قديم الزمان ………كان فيه أمراة عجوز قاعدة بروحها

وفجأة طلع لها ابليس ………(لقافه ….يبي يتحرش ) العجوز خافت وسمت بالرحمن …قالها ابليس :إنتي يا مخرفة تظنين نفسك داهيه؟؟؟؟

العجوز: إيه أنا داهيه ……….. والنساء كلهن كيدهم عظيم خاصة العجايز

ابليس: أنا أتحداك……..وبنشوف مين كيده أعظم …..العجوز وإلا ابليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز بالرهان. (الرهان سن للعجوز)

أبليس : Ok Lat's Go

راحت العجوز حق واحد من( العربجيه) هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس……. اذا تبي فلوس لا تتدخل ولا

تتكلم .(وافق الشاب لأنه طفش من البطاله ويبي فلوس ).

راحت العجوز ومعاها الشاب لمحل قماش وقالت له انتظرني عند باب المحل …دخلت المحل وخذت قماش غالي وراحت تكاسر تاجر القماش

العجوز: رخص يا بن الحلال … وإلا صنيتك بعين ولوويت ريولك

التاجر :اذا إنتي ما عندك فلوس أخذي شيء أرخص (قماش بعشرة و لا استشوار لشعرك الطاير )

العجوز : ما أقدر ….لازم وإلا يصير شيء ما صار

التاجر :ليش ؟؟ …..لهالدرجه …..شسالفه؟؟

العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قالي إن عارضتي الزواج بأطردك من البيت وأمرني أني أشتري قماش

غالي عشان يعطيه حبيبته ولا راح يطردني من البيت مع أن البيت بالأساس

بيتي ولكني غلطت وكتبته بأسمه(العجوز تبكي) جذب..

التاجر: خلاص هونيها وتهون والله **رتي خاطري ….خلاص أنا بأعطيك القماش ببلاش….وعسى الله يأجرني

العجوز طلعت مستانسه (فاتحه فمها إللي ما فيه أسنان) وقالت حق الشاب روح البيت

و بعدها راحت العجوز لبيت زوجة تاجر القماش ودقت الباب وطلعت الزوجة

العجوز:آه يابنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز:مشكوووووورة ما تقصرين إن شاءالله أردها لك (تعمدت تنسى القماش ) وطلعت.( هب عليها)

الزوجة:ياحراااااام نست قطعة القماش …أكيد بترجع بعد شوي وتاخذها

بروح أحطها بالدولاب.. (ولو درت عن المصيبه اللي بتسويها كان خنقتها بالقماش )

تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله ……مفاجأة ( يا إلهي ماهذا فاااار)

(عفوا) قطعة القماش ؟؟؟؟؟؟؟!!

وعرف أن المرأة اللي يبيها ولد العجوز هي زوجته يعني تخونه

قام عليها وضربها وطردها بالشارع بالهدوم اللي عليها.

الزوج : طلعي برا طلعي... دانتي نهارك منيل

الزوجة : مأدرش مأدرش ولادي حبايبي

العجوز كانت تنتظر هاللحظه في أخر الشارع فراحت لها تركض ( تخيلوا المنظر )

العجوز: وش فيك يا بنيتي ليش تبكين؟؟؟

الزوجه : زوجي طردني …وما عطاني فرصه أتكلم .

العجوز: خلاص أنا بأوديك بيتي وأنا بروح أحل المشكله

راحت العجوز لبيتها ودخلت الزوجه في غرفة و الشاب كان في غرفه ثانيه( ينتظر الفلوس الريال..ما شاء الله ) وأمرته أنه ما يطلع منها .

راحت العجوز للشرطه تبكي وتقول :كنت قاعدة في بيتي وفجأة (طلع زوجي من القبر يبغى قهوه)

أقصد.... دخل رجل ومعاه مرأه وقعدوا ببيتي حاولت أطلعهم ما قدرت ( احتلوا بيتي )

راحت الشرطه ومسكوا الشاب والزوجه ….وحطوهم بالسجن.

العجوز: ها ها وش رايك يا ابليس ؟؟ دورك الحين حل المشكله ابن أمك حلها

ابليس : يا بنت اللذين.. يرحم أمك طلعيهم

العجوز: أنا راح أحلها وكأن شيء لم يكن . وراح أربح الرهان ( السن الذهبي )

راحت العجوز تزور الزوجه بالسجن وقالت لها :إنتي ساعدتيني مرة

وأنا الحين بأساعدك …..يللا لبسي عباتي وغطي نفسك وأطلعي من السجن كأنك أنا وأنا بأقعد مكانك.

الزوجة:مشكووورة ….لكن أنتي ؟؟؟

العجوز: مالج شغل مثل ما طلعتج بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين؟؟

ردت العجوز:احنا ما سوينا شيء كنا قاعدين ببيتنا أنا وولدي وإلا الشرطه

طابه علينا وماخذينا السجن ...

عصب الوالي وهزأ الشرطه ( يخرب بيوتكم ) وما عطاهم فرصه يتكلمون ويقول:غلطانين وتبون تتكلمون.شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وإن زوجته أصيله وأكرمتها وهي من كثر التعب نست القماش عندها وأن زوجته بريئه

وقالت خذ قماشك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : وش رايك يا ابليس أنا فككت السالفه سهله .. تضحك ( هذي المره فاتحة فمها بس بالسن الذهبي )

ابليس :إنتي ربحتي لا ما صدق ااااااااااااااه.... يبكي

وعاد ابليس يجر أذيال الهزيمه

وما زالت العجوز تضحك وتقهقه حتى سقط السن الذهبي داخل كرشها

مسيكينه ما لحقت تراويه لخواتها خخخخخ

-=-=-=-=-

منـــــــ ق ـــــــــــول

ههههههههههههههه
يخرب بيت عدوينها أشوى ان مو كل العجايز مثلها
مشكور أخوي جانا على هيك قصه
تقبل خالص تقديري

ههههههههههههههههههههههههه هه

احداث القصه محدثه وفيها مكر

لكن تكرم هالعجوز وكل البشر عن ابلس الخسيس

اعوذ بالله منه


يعطيك العافهي اخوي ودمت بود

يعطيك العافيه اخوي

جانا الهوي

على هالقصه الروعه

دمت بود

حياك الله اختي ملكة وانا سعيد انها اعجبتك اختي

حياك الله اخوي الغالي سلطان شاكر لك اخوي على تنويرك موضوعي

حياك الله اختي دموع ولا حرمنا تواجدك معنا

هههههههههههههههههه

يهب كل هذا عشان السن الذهبي

والله ماهي سهله العجيز ...


يسلمو اخوي جاناالهوى علي القصه الفله ..

حياك الله اخوي خليني على بالك وانا سعيد جدا لوجودك وتنوير موضوعي