لا تجرحين
لا تجرحيـن يكفي القلـب مـجـروح
لا قلت احبـك اسكـتـي واسمعيـنـي
ماجيت أدور فيك لوعـات وجـروح
وأنا كلـي أمـــل تسـعـديـنـي
جيتك وأنا كلى أحاسيس ووضـوح
أبي لو ساعـة عسـى تفهميـنـي
والله ماغيرك سكـن داخل الـروح
لاغيـرك أنت وسط قلبـي وعينـي
والعاشق اللي يعشق بصدق مفضوح
لو جا يرد الشـوق لازم يبـيـنـي
لا تسأليني وش ورى الهم والنـوح
بعز جرح القلـب لا تسألـيـنـي
ياليتني اقدر على البـوح وأبــوح
كان ما شفتـي الشقـا محتويـنـي
يا للي تحسبين الهوى لعـب ومـزوج
شوفي سـواة الهـم والعشـق فينـي
بعض الغرام يجيلـه شهـور ويـروح
أنتي غرامـك بالحشـا مبتيلـيـنـي
لا تتعبينـي يا دوى القلـب والـروح
لا قلت أحبك .. اسكتي واسمعينـي
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
