ياليتني خدامة بين اياديك!!

قصيدة مؤثره
*يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)
هذي قصيده مؤثرة للشاعر سفير الشوق
لأم تشكي حالها بعد ان ذهب بها ولدها (الله يهديه)
للمصحه (دار العجزه) او كما يقااال ( دار النسيان)
والبيت أعلاه يبكي حتى القلب القاسي
وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا
(حسبي الله ونعم الوكيــــــــــــــل)
الله يكون في عونها آميــــــــــــــــن
تحياتي للجميع

امـي اشلــــون احبــــــك

وكل الكلام يقصـرك ما يطـولك

حبــــــــك أمـر فيــه الله ربــي

تحــــت اقــدامك اهــي جنتــي

احبـــــــــــــك

واحب كل مـن كان حـولك وحبــك

حتــى التراب اللي تمشينه اشمـــه


حســبي الله والنعــم الوكيــل

هـذا هــو قلب الأم يحنـــو وقلوب

الابنـــاء تجفـــو



فــ العاطفــه ـراغ

نقــل رائــع مـن قلـــم طالمـا

اتحفنــا بروعتـــة وجمــال

كلمــاته حتى في نقلهــا

وانتقــائه الكلمـــــــات

سلمت يداك على مانتقلـــــت

دمت بــود

دموع الغلا
مرورك اسعدني
واضافتك الجميلة انارت الموضوع اكثر واكثر
كلماتك في حقي وسام على صدري اعتز وافتخر به
الله لا يحرمني منك ولا من تواجدك الدائم في مواضيعي
تحياتي لكي

الله الله عليك اخوي فرااغ


بصرااحه القسوه والحزن كلها تجتمع في القصيده


وين حنان الولد لمه وين الخوف من الله

ما طلعت هالقصيده الا من شي كبير
حسبنا الله ونعم الوكيل






لولا خوفي من الله لا اخلي حبها سادس اركاني





تحياااتي يا غالي ولا تحرمنا جديدك

ودمت بود

نزف جرح
يسلمووو على مرورك الرائع
وشكرا لك على اضافتك وكلماتك الجميلة
الله لا يحرمني منك ولا من تواجدك الدائم في مواضيعي
تحياتي لك

لا حول ولاقوة الا بالله امي احطها بعيني وافديها بروحي ولا اتركها لحالها

مشكور اخوي فراغ على النقلة الموفقة دمت بود ولا حرمناك

جانا الهوى
يسلمووو على مرورك
وشكرا الف على تعليقك الجميل
بالفعل الام على رؤوسنا ونحطهم بعيوننا
الله لا يحرمني منك ولا من تواجدك في مواضيعي
تحياتي لك

الله الله علي قسوة قلب الولد الي رحو بانسانة تعبت فية وربتة

الولد هذا ما يعرف انو الجنة تحت اقدام الامهات

حسبي الله ونعم الوكيل

مشكور اخوي علي القصيدة المؤثرة فعلا


منصور

منصور يسلموووو على مرورك
والله لا يحرمني منك ولا من تواجدك في مواضيعي
تحياتي لك