ايتها الجنة .. وغزل من نوع آآآآآآآآآآآخر .. منعاً للغيرة ممنوع دخول النساء.
بسم الله الرحمن الرحيم[poem=font="Simplified Arabic,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اولاً أنا آسف عن شبه الانقطاع لظروف العمل
واليوم جيت وجبت معاي هذه القصيده والتي اتمنى ان تعجبكم
ألا يا جنان الخلد والقلـب يمـك مـال = غلا والغلا يذبح مـع الوقـت راعيّـة
ولا ألوم خفاقٍ تولّـع علـى مـا قـال = و منهو يلوم اللّي ذكـر حـب غاليّـة
جنان الله الواحد هي الخيـر والمنـزال = يطيـب الخيـال ليـا تذكرتهـا شويّـة
إلاه يبيـعـه بالثـمـن والنـبـي دلال = وجبريـل يبـداك التحيـة براضـيّـة
ليامن تذكرتـه يصيـر الخيـال هبـال = خصوصا وحنا برضنا الحيـن طرقيّـة
بدُنيا.. تمسينا علـى الهـم والغربـال = ومع الصبح تلقى الخلق فيها شقاويّـة
نطارد وراهـا همنـا جمعـة الامـوال = نمنـي أملنـا فـي مصالـح خرافيّـة
ألا ياجنان الخلد مـا تنشـرى بالمـال = سوى اللي جعل ماله على حساب واليّه
ولا ألوم من حبََََََََّه إذا صال فيها وجـال = علشـان عيـن للمهـا تهـون بريّـة
علشان حور شوفها يُطرب اللـي نـال = الا واهني من خم يالربع حووووريّة !!!
أُم العيون السود والرمش لهن اظـلال = تموج المشاعر بيـن ليلـة وصبحيّـة
تمـرآ بخـدٍ يعكـس الـدر والخلخـال = وشعر ٍ يلاعب عطرها ..شويّه .. شويّّة
والمبسم اللّي مثل برقٍ شعـق بخيـال = تقول الشفايـا تلفـظ الفـاظ سحريّـة
تشدك بخصر لـو تمايـل بقـده مـال = اجل كيف نهـده والمفاتـن و وسطيـة
دام إن ِ مخ الساق في جلدهـا ماحـال = تخيل معي جلسـه معاهـا خصوصيّـة
تخيل لياشفته بقصـر الذهـب تختـال = وانتـه تعـادل بالعـدد قـوة المـيّـة
بأكلك وشربك ..في جماعك ولا تهتـال = تهـون المعاصـي ياتذكـرت عربيّـة
في وسط الجنان تعيش بة مستريح البال = لا تمرض ولا تعرى ولا تجوع موليّـة
ظلال الدوانـي مدهـا خالقـه بظـلال = مهو لجل شمـس حطـه الله شمسيّـة
مُحالٍ تشوف الشمس والبرد فيها محال = ولا نـوم فيهـا .. والسعـاده أبـديّـة
عَليلك سريـر مرتكـي تقهـر العـذال = عواذلـك بالدنيـا تـزايـد مكـاويّـة
ليامن تخيّرت الفواكـه تجيـك أشكـال = ولحم طير ما تتعب بها اتجيك مشويّـة
كما اللولو المنثور فيها يطـوف عيـال = معاهـم مـن الفضـة قواريـر فضيّـة
عيـون بعاليهـا تفجـر كمـا الشـلال = مزاجه مـن الزنجـب بنكهـه خياليّـة
سرايرك مرفوعة وموضوعة الفنجـال = ونماريق مصفوفـه و زرابـي زوليّـة
لِباسك حرير اخضر ٍٍ من نفيس الشـال = مع استبرقٍ من شجرة الطوب فخريّـة
على رفرفٍ خضر ٍ متكي تنـول آمـال = بطاينـه ديباجـه أجـل كيـف فوقيّـة
بها خيمةٍ من لولوه طولهـا بـاميـال = وعرضه على مد البصر فيـه مرضيّـة
على أنهُر الجنة يطب الهـوى والفـال = عسلها ولبنها وخمرهـا تحـت رجليّـة
تسمّع بسوقه رجّسة الحـور بالمـوال = وتحثو بهـذا السـوق ريـح ٍ شماليّـة
ويُنادي مُنادي أن أجيبوا نِدى المتعـال = وتجيك النجايب فوقهـا الخلـق ركبيّـة
وعلى الوادي الأفيح هو الوعد والمنزال = ولا فيهـم الادنـى وكلـه سواسـيّـه
يشوفون رب ٍ امنوا فيـه بيـومٍ خـال = مثل ما يشوفون القمر شـوف عينيّـة
بيوم المزيد اللي حوى مُنتهى الإجـلال = ولا فيـه واحـد مـا يحاكيـه فرديّـة
عسانا معاهـم بامـرك اليـوم يافعـال = تعالى إلاه الكـون عـن مثلـه وزيّـة
ثباتـك بهالدنيـا رغـم قولـة القـوال = تزيـدك امـام الله رفـعـة وعلـيّـة
ترى جنة الفـردوس تبغالهـا ابطـال = ما تبغى أرجـالٍ غارقـه فـي بلاويّـة
تبيله صلاة الفجر ينهض لهـا بالحـال = وينقى ظواهـر ظاهـره مـع خوافيّـة
وصلاتي على محمد عدد طشة الهمـال = وعدد ما تهب ريـاح شـرقٍ وغربيّـة [/poem]
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
