بعـــد الفقـــر حطت شريحه وجوالــ!!!!
[frame="7 80"][grade="FF1493 FF1493 FF1493 FF1493"]بعد الفقر حطت شريحة وجـوال
يسعد مسـا جوالهـا والشريحـه
كانت تجيني تشتكي قلـة المـال
وتصيح لاجا طاري الفقر صيحـه
تقول أبويه دايـم الـدوم رحـال
وأمي كبيـرة سـن دايم طريحـه
وأنت الوحيد اللي لك القلب ميال
دايم يصارحني وأنا له صريحـه
طفله وأنا معشوقها بين الأطفـال
جريح حب وطاح له في جريحـه
كنا سوى نرسم على التربه آمـال
وأحلام تقتلها الحيـاة الشحيحـه
كم دمعةٍ كانت على الخـد تنهـال
وإذا نزلت ضاقت على الفسيحـه
الله كم صرخة وهمسـه ومـوال
الله كـم جـادت علينـا القريحـه
نخيل لوما في السماء برق وخيال
وأقول أنا (منصور) وأنتي (مليحه)
تقول لا حطيت لك بشت وعقـال
وسخر لك الرحمن عيشه مريحـه
أخاف تتركني على عثـرة الفـال
للفقـر ووجيـه الحيـاة القبيحـه
وحبيتها بيـن الخلايـق والأزوال
حبٍ يطول الوقت محـدٍ يزيحـه
وسلمتها قلـبٍ تباريـه الأهـوال
وطاح الخفوق وطيحة القلب طيحه
راحت وخلتنى مع القيل والقـال
شاعر صواريف الدهر تستبيحـه
ودار الزمان وغير الحال بالحـال
وجاها الزمان بكل ورده وشيحـه
فلة وخدامـه ولكـزس وجـوال
وأنا عجزت أدفع رسوم الشريحه
منصور[/grade][/frame]
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
