شباب وحالته حاله
ياللي فطمت وترضع الجـوال
بالله قلـي حالـتـك حـالـه
شفت العجايب منك والاهـوال
ومثلـك كثيـر مغـرم ودالـه
في سكة العشاق يا هيه تختـال
مـدري غشيـم والا جهـالـه
الخرفنه عندك صبرهـا طـال
حتى على نفسك اصبحت عاله
الى متى والحظ لامـال مـال
الى متى دربك ظلام وظلالـه
توك مع سارة واحلام وامـال
ودقت ترا حصه شوف الرساله
تبغى رصيد يا بعد كل الرجال
وانت الكريم اللي لهاناس ماله
( دق عـلــى حـصــه )
يا حصه انتي دايم على البـال
اسف ترا مقصد ذيك الاطالـه
والله احبـك بجنـون وهبـال
وقال الكلام اللـي قبـل قالـه
ل مريم وسلوى وايمان وامثال
ظنّه ذكـي يلعـب ولا تهيالـه
مرت سنة والحال غير الحـال
والنغمـة لا لـه لا لا لا لـه
راح الرصيد وراحت الاموال
حتى بنات الليل كلـن وفالـه
زعلانه حصة ملـت المـوال
وملـت عبيروزينـب و هالـه
ومل الضعيف طاري الجـوال
ومل السهـر ادروب ترحالـه
فلّس ولكـن للفلـس حلّـلال
عنده بعد عمه فزعـات خالـه
بدا ينادي فزعتـك يـا خـال
خاله : يرد يا خـال خلخالـه
عمـه بخيـل وللبخـل تمثـال
وعيـال عمـه همـه وعذالـه
مرت سنين واتغيرت احـوال
تغير الماضي واتغيـر اجيالـه
دول كثيـرة جالهـا زلــزال
وصدام عاش وماتـوا عيالـه
راحوا لنا ابطال باقين ابطـال
وبقت حثالة من بقايـا حثالـه
اهل التطور طوروا الاعمـال
واهل البطالة يشتكون البطالـه
مع كـل هـذا مالنـا مدهـال
اسف لاني مختصرهـا اطالـه
كن الزمن ماشي على منـوال
كلن تعدا فـي زمانـه مجالـه
الا الحبيـب راعـي المـوال
باقي على لا لـه لا لا لا لـه
أختكم : هموسه
