قصيدة صوتية للشاعر غشـَّـام ( غدر وخيانة )
[ram:4bc84a1b88]http://www.alleeel.com/vb/showthread.php?p=355271#post355271post355271[/ram:4bc84a1b88]
[align=center:4bc84a1b88]على الدمعه ثمان عيون كذابه بكتني زيف = بكتني عذر أو هو غدر أو هي مبطنه نيّه
ونا ياكيف بدمحها وبنسا غدرها يا كيف = وهي جتني توقّــظ نار تحت الضــــــــلع مـــطفيّه
ركام أحزانها بصدري ثلاث سنين ماقد شيف = وطيت لجرحها فيني وقلت اعـــــلاجه الكيّه
أدقّ أعناق ذكراها ليا منها طرت بالسيف = وأقطّع كل عرقٍ خالها في جال عصــــــــــــريّه
قلعت من الوجيه عيون خوف اشوفها في طيف = يمر بنظرة أصحابي أسا مما ســــطا بيّه
نزعت شراع مركبها وسيرته بلا تجديف = رجا في عاتي الامــــــــــــواج يغـرق ذكرها فيّه
ونا مالي حمول الأرض لجل اطلب لها تخفيف = أنا كل الحمول اللي معي جرحي وشـبريّه
أبقطع راس هالحيه بهالحزه بلا تسويف = لما التسويف دام انه أمامي راس هالــــــــــحيّه
خطاك السوّ ياقلبي عسا أحزانك سحابه صيف = عساها يوم وتعدي ولاتنعاد هالـــــــجيّه
متى كان الغدر كذبة غياب العقل والتخريف = متى كان العذر لعبـــــــه تهادي في يد ابنيّه
متى كان الغرام حطام مبني فوق سفح مخيف = سكن به قصر ساكن به ثلاث الاف جنيّه
تهذري باسم عاشقها بزله مالها تصريف = تقول فلان وانا فلان واســــــمه ماقرب ليّــــــه
تقول أيووه ما اقصد لساني زلّ مدري كيف = وقول أيووه يازينه كشف لي حال مخــــــــفيّه
اذا هي خابت ظنونك وجيتيني بْهقاوي ضيف = تهقوى في كرم حاتم وحاتم مات في طيّه
ونا باموت في غيّي واموت اغنى عن التعريف = وبقريك السلام وكلمتينن من قــــــوافيّه
كتبتك ماني بْمجبر على قافي ولا تكليف = كتبتك بس اذكّر فيك بعض أشياء منســـــــيّه
كتبتك شعر لاهو فخر أو حتى بعد توصيف = كتبتك ذلّ بعيونك وهي ترجي مـــــــــواطيّه
كتبتك بايعك مالي بعرفك عزٍّ وْ تشريف = كتبتك رافعٍ راسي ولااْْنظر عند رجـــــــــــــــليّه
كتبتك صدق ياكذبك صراحه دونما تحريف = كتبتك أسودٍ حالك ذبح أحــــــــــــــــلام ورديّه
كتبتك لنّ أشعاري لها عندي مزاج وكيف = تغلغل في عروق الدم تشــــــــــفيلي بلاويّه
ونا ياكيف بدمحها وبنسا غدرها ياكيف ؟ = وهي جتني توقّظ نار تحت الضــــــــــلع مطفيّه
على عينك ثمان دموع كذابه تبي تجفيف = وسقْت اللي يطفي دمعـــــــــتك ويبرد الكيّه
:
:
:
[/align:4bc84a1b88]
