رميتك فـي بداياتـي ورمونـي فـي نهاياتـي
يايمة منتهي جيتـك وطالـب منـك الغفـران
أقبـل قاعـة أقدامـك واغسلـهـا بدمعـاتـي
يـا يمـة كـل مافينـي يناديلـك أنـا ندمـان
طلبتك قولي سامحتـك ردي لوجهـي بسماتـه
انا ادري قلبك الطيب كسرته بصدمة النكـران
غلطت وغلطتـي هـذي تعيـر كـل غلطاتـي
تشوفي الشيب يايمة ترى ما جا وانـا فرحـان
ورب الذي رفع ذاتـك ونـزل للـردى ذاتـي
فقدت الراحة من بعدك فقدت الطيبة والتحنـان
بدونك راحتي غايـة بيدينـك هـذي راحاتـي
انا بعدك ولاحاجة انـا بعـدك تـرى عميـان
أشوف ولا أشوف اللـي يورينـي مساراتـي
انا وسيد الشقا والهم من بعدك غدينـا أخـوان
يجيـب همـوم هالعالـم ويرميهـا بمتاهاتـي
صدقتي يوم قلتيلي تديـن اليـوم بـس تنـدان
رميتك فـي بداياتـي ورمونـي فـي نهاياتـي
أنا من شالك بإيـده ورمـاك بأسفـل البركـان
نخيتينـي وطلبتينـي ولاحصلتـي نخـواتـي
مثل ماهنتي بعيوني عليهـم قلبـي يمـه هـان
رموني وطعتهم فزعه وانا الدمعـات فزعاتـي
يا يمـه لاتظنينـي انـا مـن فعلهـم زعـلان
سوات فيـك سويتـه وسـووا فينـي سواتـي
يـا يمـه يـلا ظمينـي ودفينـي بهالأحظـان
أنا ادري فيك مشتاقـه وهمـك بـس ملاقاتـي
يا يمه حيل ظمينـي أبـي أرتـاح أنـا تعبـان
تعبت اهرب من ذنوبي أبيـك آخـر مسافاتـي
أباسمع منك أي كلمة لصوتك مسمعـي ولهـان
أبسمع يمه يمه بصوتك أبذكـر فيهـا نشواتـي
أشوفك ساكته يمـه غفيتـي والا أنـا غلطـان
غفيتي يابعـد عمـري تعبتـي مـن مواساتـي
يايمه يايمه طالبك قومي اذا لي بعيونـك شـان
أشوف الموت بعيونك عساها تخيـب هقواتـي
تعالوا يابشر شوفـوا أنـا محتـار أنـا تلفـان
أنا أمي ماادري وشفيهاانا مـدري انـا احاتـي
شنو؟؟ شنو ؟؟ أمي انا ماتت لا لا ترى غلطـان
أنـا أمـي ماتخلينـي علـى حزنـي ووناتـي
أنا أمي قلبها طيـب ولايمكـن تبكـي انسـان
أنـا أمـي ماتبكينـي ولا تتمـنـى آهـاتـي
يا يمه صح ما متّي ؟وصح الموت تو ما حان ؟
اذا متّـي أنـا بعـدك بقظـي ويـل ساعاتـي
يايمه قومي يا يمه وقولي الموت لا مـا كـان
أنا جيتـك وانـا نـاوي أببـدي فيـك جناتـي
تركتيني ومتّي ليه ؟ تركتينـي وأنـا غرقـان ؟
ولا مسمـوح ياوليـدي ولا تلعنـك لعنـاتـي
أنا الجاني وأنا المجني وأنا المخطي وأنا الندمان
وأنـا بيـدي رميتـك إيـه وبعثرتـه ملفاتـي
وجيت من الهنا مفلس وقلبي من الضنا خسران
تركتينـي علـى نـاري أعـدد فيـك زلاتـي
ولاني بمرضين ربي ولانـي تابـع الشيطـان
أنا بعـدك تـرى مابيـن نهاياتـي و بداياتـي
يايمه منتهي جيتـك وكلّـي مرتجـي غفـران
وشفت الناس تلعنـي وتحذرنـي مـن الآتـي
منقووووووووول
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
