][®][قصائد الشاعر طلال الرشيد ][®][

آخـــر حــب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعداجلس معي نحتريك
تعال شفني وانا استناك .. كم اشبهك
يطري علي ألف راي وراي واحتار فيك
اجي مكان الوعد والا اسبقه انطرك
والا اخذ الموعد اللي يحتريك واجيك
يااخر الحب ذقت الحب في اولك
ويااول الشوق اقصى الشوق ماينتهيك
علمتني كيف اعرفك لين صرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وإن رمشت افقدك
واخاف افتح وتصبح حلم ولا التقيك
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
بعــض أحـــوال
أنا مقدر أكون .. اني حبيب في بعض أحوال
أنا كلي أجي .. والا أروح بعزتي .. كلي
تخيرت الفراق وما دريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منـــك دمع في عيوني مارضى ذلي
رحلت انت وتركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الـندم موّال
سكت ومت بالحسره ولا ادري وشهو احسن لي
أحبــــك كل ما فيني يحبك يا خلي الــبــــال
تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس واهلّي
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
أموت من فرقاك
أموت من فرقاك وأموت بلقاك *** وأموت من جورك وأموت بحنانك
كلٍ قضاه يمــوت مرّه .. و يفداك *** و أنا أموت ألفين مرّه عـشــانك
أذكرك .. لا مني نسيت إني نسيتك *** أنـسـاك .. لامني ذكرت نسيانك
رضيت أنا بالهم لرضاك مرضاك *** و ارخصت لك قلبٍ جرحته وصانك
أجيك في صدري عتاب .. وابجفاك *** وأرجع ألوم الوقت و أقول خانك
أحب فيك ..احساسي إني بلا ماك *** في عز خوفي منك أحس بأمانك
عجزت أفرق بين وصلك وفرقاك *** ياللي عطيت الناس بيدك عنانك
مر تجيني لين أقول إني إيـاك *** و مر تروح بعيد و انسى أوانك
أقبل و تقفي واعتذر عن خطاياك *** و أقول ما عييت .. عيا زمانك
وإن خانتك دنياك أو خنت دنياك *** إرجع و تلقابي .. مكانك،مكانك
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»



تـنهيدتـيـــن ونـــار
كـلـّمـنـي عـنّـك
أبعرف كل شيٍ عنّك منّك
قلـّي وش أول جروحك
قلـّي وش آخر أمل ترجيه روحك
إحكي عن طبعك
وعن ربعك
عن اللي يهـزّ دمعك
قلـّي وش معنى الحياة
قلـّي بأنفاسك متى قد قلت آه
إحكّ لي عن الحب
إحكّ لي .. إحكّ لي
إحكّ لي عن الشوق
طـر بـي فوق .. فوق
خـذنـي منّك
وإحكّ لي .. عنّك
الـصـدق
إن الأمل من قبل أعرفك .. كذب
والتضحيه أوهـام
وإني أنا من قبل أعرفك
كنت أعرف أنـام
كان السهـر مـو هـالسهـر
لعب وأغانـي .. وإخـتصار
صار السهـر تفكير
صار إنتظـار
صار إحتظـار
صار السهـر .. تنهيـدتيـن ونـار
يا منتهـى أمـري
بالهمس قلـّي مرّه يا عمـري
وطـر بـي فوق .. فوق
خـذنـي منّك
وإحـكّ لـي .. عـنّـك
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
جَــتــنــي
جتني وشافتها عيون حايـرات
*************ا ذا شعاع الشمس او هذا سناها
ضاعوا اللي جوا معاها مسيرات
************ واقبلت تمشي تقل محدٍ معاها
يا سنا الفضه ويا جيد المهات
************ يا شذى نبت الخزامى في وطاها
قلت كن بوجنتك زهر النبات
*********** قالت ان الرمش يجرح لي صفاها
تجرح الظلما عـيون ناعسات
***********سلهمت وأغضت تغطرس في بهاها
حققوا بالشوف في لون الشفاة
********** هو خذا منها الشفق والا عطاها
ولو ظلام اللـيــل يعطينا ثبات
**********فيه من لون الشعر والا كساها
كيف أباصف زين كاملة الصفات
**********كيف أباصل في حروفي منتهاها
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
عــيـــون الصغار
وجهك غضب .. وجهك عروس
يضوي مدى .. يحرق نفـوس
تشبه لك الشمس الشموس
و مـا لـمـحــتــك
سـلام يـا أحلـى الأنـام
دربـي مثل عينك ظـلام
و مـا وصـلـتــك
يا صوتها الرايح وجاي
مابين أشواقي وشقاي
تشبه لك الونّه و ناي
و مـا سـمـعـتــك
حبيبتـي والبـوح نـار
إنتـي أنا بكل إخـتصار
تشبه لك عيون الصغار
و مـا عـشـقـتــك
يا مهرتي البيضا الأصيل
تلعب و انا صـبٍّ نحيل
تشبهك غابات النخيل
و مـا سـكـنـتـك
يا غـاية الحلـم المحال
مثلك أنا حلمي الوصال
يشبهك في الشاعر خيال
و مـا كـتـبـتــك
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»


مـحـتــاج لــك
انتي بكف وباقي الخلــق في كف ... متعليه في وســـط قلبي ولك شان
في غير وصلك مالقلبي ترى شف ... محتاج لك يا نور عيني وشفقان
لا جابوا اسمك صرت انا تقل مختف ... مالي على نفسي الى اطروك سلطان
من غير حبك غضت عيوني الطرف ... ياللي جمالك صار للزين عنوان
اريــــد انا قربك ترى ياغذا الحرف ... وان ماحصل موتي ودنياي سيان
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
الــعــواذل
حبيبتي كل العواذل تشابه ..... قلبٍ ظلام ووجه يشبه للأصحاب
ولا ما غدى لك صاحبٍ ينحكى به ..... لا تسمعي أن كان لك قلب وأحباب
إلى مشيت الدرب يلهث سرابه ..... وإلى سكنت الدار ناداني الباب
وشلون أنام وهم قلبي صوابه ..... والشوك ينبت بين جفنين وأهداب
تعبت امني .. الأسئلة بالاجابة ..... وانطر شروق الشمس والشمس بغياب
وتعبت أناظر والمعنى عذابه ..... أنك بعيده والملا دونك حجاب
اجمع كلام وما أعرف الإجابه ..... وعندي شعور صدق والوقت كذاب
كل النجوم اللي امطرت من سحابه ..... حبيبتي دمعك جرح قلب واتراب
واللي وقف ما بين بابي وبابه ..... قلبٍ ظلام .. ولابس ثوب الأصحاب
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
عــيـــون الحـــب
عيون الحب لا يمكن تناظر ..... عيوب الخل لو هو عيب كله
تماري فيه وبوصفه تكابر ..... ترى من فوق خلق الله محله
رفيق الليل في الشباك ناظر ..... واثاري الليل شباك لخله
حفظ أحلى الكلام وصار شاعر ..... بصبر ينتظر .. والصبر مله
حبيبٍ عشت في دنياه عابر ..... حسب قوله ويا شعري فقله
أنا ضحيت له وارجى وصابر ..... واذا عيا أقول الله يحله
على اللي ينتظر يا بعد باكر ..... يبي السلوان والذكرى تضله
عيون الحب في قلبي تناظر ..... تشوف اللي عيوني ما تدله
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»


الـيــوم ذكــرى الـفـراق
اليوم ذكرى الفراق ومرت أول سنه ... اليوم لي عام متغرب وحيد وحزين
اليوم انا ضيف جرحي جيت بطمنه ... اني جمعت الدموع وجبت امانة امين
ما يجرح الصادق الا غدر من يامنه ... لا جت من احباب قلبك لا تلوم السنين
مليت من هالاماني دام هي مو ممكنه ... لاهي تحقق وانا ياسي بوجهي يبين
الوين انا وانت مثل الشمس والازمنه ... مع كل صبح يجددني لشمسك حنين
لا قلت احــبك .. احبـــك كنها دندنه ... او كنها وردةٍ مابين اصابع جنـيــــن
يا اجمل الـناس لك بين الملا هيمنه ... كثير غيرك ولكن مين مثلك وويـــــن
ياعــاذلي خذ عيوني يمكـــن تثمنه ... تشوف عيبه وانا اشوفه ملاك حسين
امس افترقنا وانا احسب مرت اول سنه ... يا طولها ليلة الفرقا سنة للهزيم
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
حـبـيـبتي
حبيبتي لا من غديتي لي ســراج اتـــبعه
**********************وكني غديت من الظما اركض ويطردني السراب
لا تبخلين اليا شربتك ماشربتك من سعه
*********************دامي من جروح الهموم الموجعه كلي صواب
اليوم مرتني السواني والفصول الاربعه
********************اليوم مريت المواني والمباني والسحاب
اليوم ماكني لقيتك مر صوتك ماسمعه
********************اليوم ما كني فقدتك من سؤالين وجواب
يابنت في خدك وهج سيل الشموس الساطعه
********************احـرق بداخل داخلي انسان ماهو للتراب
واللي خلق ظلم الليالي بالعيون الهاجعه
*******************اني من الحرمان اتسائل وحرماني جواب
يوم الوداع تخيلي مالي حبيب اوادعــه
*******************محروم انا وتخيلي محروم حتى من العذاب
ليتك بعمري ثلاثة اشخــــاص مامــلّك
******************واحد معي دوم وواحـــد روحي يملاها
يابنت لي قصه تطول بكلمتين موجعـــه
******************هي باختصار اني انا اركض ويطردني السراب
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
بعــض الأحـبــاب
ما قلت احبك ولا قد قلت ما حبك ... احب مالي عيوني وانت تـسـواها
لو تدري اش كثر تعني لي تعرف انك .... اخر امل في حياتي واول مناها
ياكثر احس ان بك مني وبي منك ... روح قسمها على شخصين مولاها
لا تقول وش تحب فيني اعشقك كلك .... من ليل شعرك لكلك واخر اقصاها
سميتني نصـفــك الثاني ويا شحـــك ... انا بسمـيـــك كلي وانــــت معناها
تعبت اوديك له يا قلب ويردك ... لا اخذ حلومي ولا خلاني انـســاها
كل الحمام استراح وناح في ظلك ... والورد الاصفر سقته الروح من ماها
ليتك بعمري ثلاثة اشخاص ماملّك .... واحد معي دوم وواحد روحي يملاها
والثالث بجفن عيني لا فقد حسك ... او غمض الجفن جاني فيك يتباهى
مو بس احبك انا والله من حبك ... احب حتى ثرى الارض اللي تطاها
«®°·.¸.•°°·.¸¸.•°°·.¸.•°®»� �®°·.¸.•°°·.¸¸.•°°·.¸.•° ®»
بعض المقتطفات من شعر الشاعر الراحل الأمير طلال الرشيدرحمه الله
اتمنى ان تعجبكم
حاولت من خلال هذه القصائد ان نتذكر الشاعر الامير طلال الرشيد
من اجل ان لا ننسى شعره الجميل وابداعه الذي لم يكتمل
أختكم
مذهلهـ

بعــض الأحـبــاب
ما قلت احبك ولا قد قلت ما حبك ... احب مالي عيوني وانت تـسـواها
لو تدري اش كثر تعني لي تعرف انك .... اخر امل في حياتي واول مناها
ياكثر احس ان بك مني وبي منك ... روح قسمها على شخصين مولاها
لا تقول وش تحب فيني اعشقك كلك .... من ليل شعرك لكلك واخر اقصاها
سميتني نصـفــك الثاني ويا شحـــك ... انا بسمـيـــك كلي وانــــت معناها
تعبت اوديك له يا قلب ويردك ... لا اخذ حلومي ولا خلاني انـســاها
كل الحمام استراح وناح في ظلك ... والورد الاصفر سقته الروح من ماها
ليتك بعمري ثلاثة اشخاص ماملّك .... واحد معي دوم وواحد روحي يملاها
والثالث بجفن عيني لا فقد حسك ... او غمض الجفن جاني فيك يتباهى
مو بس احبك انا والله من حبك ... احب حتى ثرى الارض اللي تطاها

اعتبر هذه القصيده هي اروع قصيده كتبها الله يرحمه

مذهلهـ
لكي مني كل الشكر على ابداعاتك
وحرصك وتواجدك ومشاركاتك
يعجز القلم عن ابداء ما بداخله
من سعاده لتواجد قلمك معنا
الله لا يحرمنا منك ولا من تواجدك
بانتظار ابداعاتك على احر من الجمر
دمتي بكل الود

[align=center]الله يرحمه


من اروع من كتب من الشعار


تحياااتي لكي اختي مذهلهــ

والله يعطيكي العافيه

بنتظار جديدك ودمتي بود[/align]

اخوووي الغالي فراغ
والله تشكر كثير ومن كل قلبي على تواصلك الرائع وتشجيعك الدائم
لولا تشجيعكم لي ما بقيت معاكم للحين صدق
اشكرك على مرورك الرائع

حياك والله نزف
تشكر على المرور والتواصل الدائم

صح فراغ هالقصيدة رهيبة مرررة
كثير احبها

مذهلـــهـ

ربــي يسعدك بصراحه انا احب هالشاعر حب موب طبيعــي

ولما توفــى الله يرحمه والله زعلت حيل

يسلمـــــــــــــووو على القصائــد الرائـــعه

في انتظــار جديدك

دمتــ بــــــود

اي كلنا نحبه لانه ينحب وقصائده رووعة
تشكري على المرور حبيبتي