*** يهتز عرش القلب لا حل طاريكـ***
[align=center]السلام عليكم ورحمة الله
غلاك عندي بالسماء مرتفع فوق ..&.. دايم مكانه ثابت عند حده
ماهوب سهم تحكمه حالة السوق ..&.. ولا هوب سلعه تنتهي عقب مده
قلبي يضخه في شرايين وعروق ..&.. حب سماوي ماخلق من يرده
قفت بك الدنيا ولا أدري على وين ..&.. وفيني بعد ماغبت الايام بارت
كلن توسع خاطره دمعة العين ..&.. وانا دموعي داخل العين حارت
لا عتني الفرقا على بعد غالين ..&.. ياشينها الايام لقفت وجارت
أجمل زمن في ظل قربك قضيته ..&.. وأحلى قصيده قلتها فيك شفقان
والعين تهوى كل درب مشيته ..&.. والرجل تاطي لك شعوب ووديان
قربك هو اللي في الحياه ارتجيته ..&.. وعرفت في قربك غلا كلمة " اخـــــــوان "
دورت لك بين الرسايل رساله ..&.. تليق في حضرة جنابك وتسوى
واذا اخترت بيت رحت ادور بداله ..&.. وأشطب على هالبيت وأدور اقوى
وأقول اصلا ماتكفي رساله ..&.. بهديك قلب ياعسى" القلب " يسوى
أروى ضما غيري وانا يابس الريق
وأضحك واجامل ولو ماني برايق
وأن ضغت أسلي خاطري بالطواريق
واستلهم الفرحه لنفسي دقايق
وان شافتك عيني ولو في خاطري ضيق
أنزاح هم القلب وأقفيت راااااايق
مشتاق وأبقى لأخر العمر مشتاق
وأموت لكن.. مايموت اشتياقي
حبك رفعته في السماء فوق الافاق
ماشوف غيره لو يطول الفراقي
ان كان تشكي البرد جالك لحافي
ماأنام دفيان وتنام انت بردان
وان كان تشكي دورة الوقت كافي
اللي وطا صدرك وطانا من ازمان
محد ترى يعيش فيها متعافي
دنيا تطيب احيان ثم تقلب احيان
على الوعد ياللي تحرى القوافي
جيتك وانا صدري من الشعر مليان
جيت بفضفض لك مشاعر خوافي
مابانت الا يوم جريت الالحان
ياكثر ماأكتم واترك الجو صافي
ماودي اخلط بالفرح هم واحزان
انا الشوق وانت الذوق
انا المد وانت الرد
انا السيف وانت الحد
انا الهمس وانت اللمس
انا الضيف وأنت الكيف
انا القلب وانت الحب
أنا الخل وانت الكل
انا الجد وانت المجد
انا انت وانت انا
لا غبت عني دمعة العين تبكيك
وان جيت يمي خافق القلب حياك
موج البحر ونسمة الليل تغليك
وأشلون مايغليك شخص تمناك
مهما تهب الريح والغيم يخفيك
لا بد من يوم تشرق شمس لقياك
حاجتك تاتيك كان الله قاسمها
وان ماقسمها صعيبه لو هي بجالك
الارزاق ربك عالي الشان حاسمها
اسعى لها بجد ولا تشغل بها بالك
أنـــا إنـســان مـــع نـفـســي
قبـل لا أكـون معـاك إنـسـان
لـــي مـبــدأ ولـــي نــظــره
وتـحـكـمــنــي قـنــاعــاتــي
أحاسـيـسـي حقـيـقـه ثـابـتـه
فــي الـوصــل والـهـجـران
أنــــا طـبـعــي إذا حـبــيــت
أحـــــب بــكـــل حــالاتـــي
من قال لك قلبي مع السيل ينقاد؟
صحح مفاهيمك وصحصح معايا...
يا صاح لي قلب عن الكيف نشاد،،
ما يمشي إلا إذا قلت: هذا هوايا...
أنا معك قلبي شراويه العناد،،
لــكــــن ليا حبك يسوي سوايا...
يامنتهى الغايه وذوق المشاعر
يا اروع شعور في حياتي قريته
لي قلب مجنون ولي روح شاعر
وفيني عقل لولاك مني خذيته
ياشيــــــخ أحبك لعنبو هالرسايل
ماتوصف اللي بالحنايا خفيته
ماني من اللي لا مشى الدهر ينساك
ولاني من الي عاشروك لمصالح
ولاني من اللي لا بغى شيئ حياك
انا من اللي يقدمون النصايح
لاخانتك دنياك والكل خلاك
تلقى صديق صادق عند بابك
في زمانك محد يشيل همك
لاحبيبك ولا أخوك ولا رفيقك
ماتهم اللي يهمك
في زمانك لو بغيت تعيش صح؟
صـــــل فرضك
وأقضب أرضك
وحب اللي يحبك
خلك قنوع
خلك صبور
خلك حريص
لاتسأل إلا من سأل عنك
هذي نصيحه شخص يعزك
مــقدار حبـي عـالم فيـه ربـي
وإلا المـوازين لـغرامي ظـلومه
لالا تــقارن حب أمك بحـبي
أخـاف من عيـنك تـطيح الأمومه
أخشـى يقولون ماهو مـتربي
مـابي أشارك في عقوق الرحومه
يـا غايتي ماعاد فيني أخبـي
حبك تعــدى حدود النفس الكتومـه
خـالفت كل الناس يا زين لرضاك
وسلمت لك قلبي وروحي هديه
يا منوتي هونك على قلب يهواك
دام الغلا من بيننا بالسـويه
ما تدري إن الروح تفداك
خذها حياتي يا منايه عطـيه
الحال صعب يا عشيري بلياك
ودنياي من دونك تراها شقيه
يهتز عرش القلب لا حل طاريك
وتفتح لي ابواب الحياة بوصالك
اموت واحيا فيك واهواك واغليك
من ندرة عيوبك لروعة خصالك
واظن حبي لك بعد مايكفيك
ولا اظن يملا العين شخص بدالك
اذا صدع الاذان لكل وقت
وجلجل في الفضا صوت المنادي
تذكرت احبتني ورفعت كفي
ادعو الله من عمق الفؤاد
عسى الرب يظللنا بعرش
عظيم الشأن في يوم التناد
ويجمع شملنا في دار سعد
مع الرسول في كنف الجواد
رن الجهاز ودق صوت المنبه
برســــــــــــــــــــــ ــاله
زادت على القلب تشـــــــــــــــــــويق
من غالي له وسط قلبي محبه
وبيني وبينه بالمحبه مواثيق
ويشهد على ماقول ربي وربه
غالي وشوفه يبعد الهم والضيق
غردي ياطيور الجو فوق الجبال..
وارسلي له سلامي واسرعي بالجواب
وارعدي ياسحابه فوق عالي التلال..
ترجمي له شعوري بعد طول الغياب
واحملي له عبير الورد تحت الظلال..
وارسلي له نسايم من رذاذ السحاب
غلاك عندي بالسما مرتفع فوق ،.،
دايم مكانه ثابتن عن حدة ،.،
ماهو بسهم تحكمه حالة السوق ،.،
ولاهو بسلعه تنتهي عقب مده ،.،
قلبي يضخه في شرايين وعروق ،.،
غلاك سماوي ماخلق من يرده ،.،
تـــظــــــــــــل الــغـــالي بــعـيونـــــــي
ومـــاأقــــــــــدرعـلــ ـــــى فرقــــــــــــاك
عزيــــز ومهمــــاكنت بعيد
لاتـــظــــــن الـ ـــ ــ ـقـ ــ ــلـ ــ ــب
يـــــنـــــــــســــــــ ــــــــــــــــاك
يامرحبا باللي له القلب طلاب ،،،
الواصل اللي مايعرف القطيعه ،،،
الصاحب اللي بالغلا فاتح حساب ،،،
في بنك قلبن مشتري مايبيعه ،،،
فوايده زادت على كل الأحباب ،،،
وديعتن مامثلها من وديعه ،،،
لو طحت من عيني
أنا أقول ( لو ) طحت !!
تنزل بقلبي والخساره لعيني
و ان رحت مني
أنا أقول ( ان ) رحت !!
ماهي خساره لو بكت لك عيوني
و ان ضعت في بعدك
أنا أقول ( ان ) ضعت !!
هي ضايعه من دون وصلك سنيني...
مات الحكي وأحرجني الموقف إحراج
وعجزت أعبر عن هواي اعذريني
ما غير جمله حطها الخوف بسياج
(قلبي يحبك حيـــل لا تتركيني)
نطقتها أخشى أسبب لك إزعاج
ولولا الغلا ماقلتها صدقيني
أحدن على ربعه شجرته مظله
وأحدن على ربعه سموم ولواهيب
وأحدن على ربعه عباله وعله
وأحدن سلامه يبري الجرح ويطيب
وأنت الذي يامالك الطيب كله
تاج الكرم ماوجد بك عذاريب
لك في خفوقي ألف مرسى للأبحار
شد الشراع وشيل مرسى السفينة
أبحر عساك تكون للروح بحار
أمواج قلبي في يمينك رهينة
لجلك كتب أغليك بأصداف وأحجار
وفاض البحر للبر وأعلن رحيلة
جتني رسالة غالية تشبه النور ...!
أحبها من حب شخص كتبها ...!
من يمنعه لو يسكن العين ويجور ...!
من يمنعه لو كان يتلف عصبها...!
تفداه عيني ..بس ألاقيه مسرور ...!
والثانيةتحت الطلب لو طلبها...!
تقبلو تحياتي
[/align]
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
