كل الاعظاء معزومين على خطوبتي من .....؟ ادخلو وشوووف
[align=center:4f1ddb3a4f]طق طق طق على الباب: وجععععععع من اللي جاينا هالحزه<<<< تهوجس
فتحت الباب وياليتني مافتحت..
اللي اتذكره اني شفت زول يالله لك الحمد همن شفت براطم وامممممممطخ وانواع السعابيل
وبعد مااستوعبت ان اللي دق الباب جارتنا ام رمضان >>> مب رمضان الشهر>>احلفي
وايقنت ان اللحظات اللي عشتها قبل شوي كانت عبارة عن تمطيخ من قبل ام رمضان يقالها مشتاقه
مسحت سعابيلها اللي بخدودي بكُم قميصي>>> ياعيني على النظافه
وقلت: ياهلا بام رمضان.. اوقفي بالباب الين انادي امي>>>الله من زين الاستقبال
واتجهت لم الصاله حيث كانت امي تليّن= تاخذ قيلولتها وقلت: يمه يمه يمه يمه يمه جارتنا ام رمضان بالباب تبيس <<< تبيس ولا باص
راحت امي لها ودخلوا المجلس وصكوا على نفسهم وانا كأي بنت بريئه لزقت اذني بالباب اتسمع وش يقولون
امي: هذي الساعة المباركه اللي شفناتس فيهااا ياام رمضان.. بس وراه جايتن بدون موعد!! عسى ماشر؟؟؟
>>>>>>> ياحليل امي تدق بس بذوووق
ام رمضان: ماشر يوخيتي وحنا جيران وحبايب ومابينا مجاملات ومواعيد هماه؟ عاد انا قلت اسيّر عليتس واشرب معتس
فنجال قهوه ونسولف>>>> تلمّح وين القهوه..
عاد انتم شلونكم شخباركم شلون عييلتس وبنيتس المزيونه؟
انا سمعت كلمة مزيونه وابدأ اهوجس .. امي مالها بنت غيري لايكون متزوجه على ابوي من ورانا وعندها بنت من زوجها الثاني>>>>> الله ياخذتس على هاالتفكير
قالت امي: قصدتس ارياام ؟؟! >>> امي بعد استغربت
ام رمضان: وانتي عندتس غيرها؟
امي: الحمدلله ماغير تاكل وتنام ومقابلتن هالنت000
حست امي انها خبصت بالكلام وتبي تصلّح كلامها وقالت: ياعمري عليها مقطعه نفسها تقطيع بشغل البيت طبخ وكنس وشطف شايلتن البيت كله فوق راسها
ام رمضان: ياحبيلها.. وانا ولدي رمضان يبي يكمل نص دينه ويعرس ومالقينا احسن من بنتس الملوسنه
انا كذا صار وجهي>>>>>
امي: هذي والله الساعة المباركه مهب لاقين احسن من ولدتس رمضان .. بس ابشاور البنت وابوها ونرد عليكم ان شاء الله
انا من بعد هالكلام ماصرت اسمع شي ولا ادري وش قالوا
دخلت حجرتي ابي هدووووووء وجبت لي خبز حار وشاهي وآآه آآآه انا حروفي في غيابك لاهي حكي ولاهي قصيد>>>>>> كناية عن الرومانسيه خخخخخخخخخخخخخ
واسترجعت شريط الذكريات واتذكر ملامح رمضان ولد ام رمضان
صحيح ان شعره عراده وماعمره تروش
وصحيح انه قصير يالله ياصل 150 وبالواسطه.. وصحيح انه دب وغبي ومايعرف يتكلم ومحد يحبه ومحد يطيقه بس ولوو
مايمنع انه رجل وسيم والف بنت تتمناه : :roll: :
بعد التتنيح والتفكير نزلت الصاله وجلست قدام امي ابيها تفاتحني بالموضوع
بس ماااش ساكته قلت يمكن تحتري ابوي يجي وتاخذ رايه قبل
عاد انا دقيت على ابوي استعجله يجي>>>>> ياشين اللي مابقلبهم صبر
طووووووط طوووووط
ابوي: الوووو
انا: هلا يبه وينك فيه؟ تراك طولت متى تجي؟
ابوي: ليه وش فيه؟
انا: لامافيه شي بس اشتقت لك >>>>> ابووووك يالعذر
ابوي: اقول اهرجي زين >>>>> ابد مايبي يربيني عالدلع والمياعه
انا: جب لي معك قلم ازرق جاف.. قلمي خلص وباحل الواجب
ابوي: طيب ساعة بالكثير واجي
انا: لا كثيررررررررررررر ساعه
ابوي: خلاص يابنت قلت لتس ساعه ويالله مع السلامه
وقفل الخط
وبعد ساعة من الانتظار والهواجيس المخلوطه باحلام اليقظه
جاء ابوي وانا عشان افتح المجال واعطي امي فرصه انها تفاتح ابوي بالموضوع اخذت اخواني الصغار وقلت وش
رايكم نلعب (واحد طش) وانا اللي ادوركم وراحوا يتغبون وانا طلعت لغرفتي اكمل هواجيس>>>احلى تصريفه للبزارين
وبعد كم دقيقه على كم ثانيه على كم دمعه نزلت على وجنتي من الفرحه سمعت صوت احد يطلع الدرج طق طق طق
وقلبي يطقطق معه شوي ويدق الباب ويدخل ابوي ووويجلس جمبي وصار يتنحنح ويسولف وينكت ويضحك
عاد انا قلت بنفسي: ايه هذي الفرحه وماتسوي .. ياحليلك يبه منتب مصدق ان الشيفه بنتك بتتزوج
بس عاد مليت من سواليف ابوي وابيه يفاتحني بالموضوع
فقلت: يبه خير وش عندك جايني الغرفه وتسولف؟ اذا تبي سلف عادي قل.. ماعندك الا اختك
>>>>الله من زين الهرج.. قال اختك قال
ناظرني ابوي وشكله يهوجس بتناحتي
وقال: يابنيتي الزواج سنة الحياة
قلت: طيب وش مناسبه هالحديث؟؟>>>> يعني اخلص هات من الاخر
ابوي: اليوم ام رمضان خطبتس لولدها رمضان صحيح انه يدخن
بس لا تنسين يابنيتي ان التدخين رجوله << خخخ ماجذبت ابوي بحسن التصريف
وصحيح ان ماعنده بيت وبيسكنتس مع اهله بغرفه صغيره والحمام مشترك بس كلها كم طعش سنه ويطلع له بيت
وتعيشون لحالكم >>> هذي مووت ياحمار
وصحيح ان .............
عاد انا سكككت ابوي بكحه مفتعله مني مابيه يجلس يجرّح ويسب بزوج المستقبل ويشوه الصورة الجميله اللي رسمتها
له بخيالي >>>>> امداتس رسمتي الصورة خخخخخخ
سكت ابوي وخيم الصمت على المكان عاد انا تذكرت وش يسسوون بالمسلسلات لا انخطبوا
ونزلت راسي يقالي مستحيه :oops:
قال ابوي: هاه؟ موافقه؟
قلت بكل حياء واستحياء: يبه خلاص!! السكوت علامة الرضا>>>>ابوووك يالحيا
ابوي ناظرني وشكله يقول هالبنت مهب لم زواج بتفضحنا عند الرجال واهله
عاد انا قلت: يبه عاد متى بيشوفني؟؟
قال ابوي: وووووشووووو؟؟ من بيشوفتس؟
قلت: وش فيك يبه؟ هذي الشوفه الشرعيه..
ونزلت راسي من الحيا>>الله ياخذك ياهالحيا :oops:
قال: مدري عاد هذي يبيلها تفكير >>>> مايبي يقول مانبيه يشوفتس عشان لايهوّن ..احتراما لمشاعري
<< ارياام بالله انتي عندك مشاعر ؟ خخخخخخخخ
طلع ابوي وجلست لحالي ورجعت للهواجيس والتفكير وجبت الوان خشبيه عشان الوّن صورة رمضان فارس الاحلام اللي راسمتها له بخيالي
ومن بكره قمت بدري سويت فطور لخواني وقلت لهم ترى انا اللي باسوي الغدا بس قولو وش مشتهين << يعني اني سنعه هع هع هع
وفكيت الجديلتين وصرت اسوي جديله وحدة << يقالنها غيرت الستايل الحين هع
وصرت احط روج قبل اطلع من البيت واستشور شوشتي واقعدلي ساعة قدام المرايا>>> يعني خلاص صرت حرمه ههههه
واخوي ينكت علي ويقول: اول مرة اشوف حرمه بشنب
اصلا هذي مب اشكال تزوجونها
بس سويت نفسي ماسمعت عشان لااجرح مشاعري >>>احلفي
من بكره واشوف اهلي مكتمين ومحزنين وحالتهم حاله عاد انا قلت لهم :خير وشبكم؟ مافيه شي يستاهل هالحزن؟
قالت امي: المعرس مصمم الا الا يبي يشوفتس قبل الزواج
قلت: افاااياذا العلم اذا كذا بعذركم تحزنون وتلبسون اسود بعد.. وش السوات يمه؟:120:
قالت: مافيه الا انا نجيب لبنانيه نخليها بالواجهه
قلت: يمه تبيني ابدأ حياتي مع رمضان بكذبه.. لأ مقدرش ده صعب اوي << ماعرفت تتكلم لبناني
قالت: ياتسذا يامافيــــــه عرس
قلت: لاااااا كله الا العرس.. بس وش رايتس من نجيب؟ نانسي عجرم والا هيفاء وهبي؟
قالت: اقووول بس اسكتي وخليني اعرف افكر
وبعد التفكير قلنا مالنا الا رمضان يشوف خشتي لانه كذا والا كذا بيشوفها يعني اصيرعانس ولا ارجع لاهلي مطلقه >>> كذا امي شرحتها لي
بس تصدقون اني تخيلت نفسي بفلم مصري وراجعه لبيت اهلي مطلقه ومعايا حتت عيّل
>>>> ياشين القرويه لا تاثرت بالمسلسلات
وجا اليوووووووووووووم
وووووجت اللحظه الحاسمه وجا ابوي وقال: يالله الرجال يحتريتس؟
قلت: منهو؟ اي رجال؟ >>> مسويه مافهمت هههههه
قال: المعرس بعد منهووو؟
قلت: معرس لمين؟ >>>> هالمره مب استهبال بس ابيه يقولها ابي اتاكد اني منيب احلم
قال ابوي: هوووووهوووووو علينا.. شكلي باهون
قلت: لا خلاص.. رح اجلس عند الرجال عيب نخليه لحاله وانا بتطمن على شوشتي وخشتي وجايه وراك
وفتح ابوي باب المجلس عشان يدخل وانا اللي المح اقبح مخلوق شفته بحياتي قاعدن ومتربع بمجلسنا..لا ويشرب قهوة بعد
خنقتني العبره وحامت تسبدي شوي بس بعدين قلت يابنت اهم شي الأخلاق مو الشكل والجمال جمال الروح <<<< تحاول تقنع نفسها
طقيت الباب عليهم وقلت: يبه عندك احد؟ >>>>> لاياشيخه
دخلت وانا اسوي نفسي اكح واعاطس واتثاوب بقصد اني اقدر احط ايدي على وجهي عشان لايتمقل بملامح خشتي الموقره .. وطول منيب جالسه على ذاالحال
وشكلي طولت وانا قاعده لان ابوي قال: طسي يابنيتي عاوني امتس بالمطبخ تراه ماتدبر شي دونتس >>> مو قلت لكم مايعرف فن التصريــف والا يمكن بيعلم المعرس اني حرمه وراعية بيت
قلت: ان شاء الله يبه ........... وطلعت
بعدها بكم يوم وانا متربعه بالعش الزوجيه وعشنا في سبات ونبات وخلفنا صبيان وبنات كانوا مثال حي للقبح والدلاخه
بس ولو مايمنع انهم اطفال ابرياء مالهم ذنب ان جينات شيون اتحدت وانتجتهم :twisted:
8
8
8
8
انشاءالله استاسعت صدوركم على هالإستهبال ولا تصدقون تراها
كلها قصة خيال وصرقعة لا اكثر <<<< احلفي
اختكم ارياام [/align:4f1ddb3a4f]
