يا درة بين الصبايا فريدة !

قلبي معك لو كنت بارض ٍ بعيدة
الحب ما تقتله طول المسافات
...
ما دمتي لقلبي على ما يريده
يالعنبوه اللي يخون البدايات
...
مجنونك امسى والغلا في وريده
واصبح وباقي له في الحب حاجات
...
يادرة ٍ بين الصبايا فريدة
في حسنها حازت جميع العلامات
...
فيك المزايا والصفات العديدة
مامثلها حتى بوصف الروايات
...
ياماضي الحب الكبير وجديده
يااللي عن الخافق تشيل الوجاعات
...
يااللي غيابك مثل نار ٍ وقيدة
يصلى بها الخافق وفي العين حسرات
...
يااللي لغيري كنتي اصعب عنيدة
واقبلتي لحبي بكيف وقناعات
...
واسكنتك بقلبي لحالك وحيدة
وقدرك رفعته واعتلى للسماوات
...
وعشنا السعادة والعلاقة وطيدة
علاقةٍ ما مثلها بالعلاقات!

يعطيك العافيه اخوي راجي وصل على هـ القصيده

ابدعت فيما كتبت

لا تحرمنا ابداعك في منتدى الهمسات


تحياتي لك


نديم الصمت

ماشالله ابداااع

قصيدة قمة في الرووعة والرقي

اخوي ..

لاتحرمنا قلمك المالمس

ماننحرم منك

راجي الوصــل

يعطيك العافيـــه على ماكتبت

ابدعت في كلماتـــك

في انتظــار جديدك

دمتــ بـــود

نديم الصمت
تلميذة الحب
دموع الغلا
احبابي الكرام لقصيدتي الحق في ان
تفخر ما دامت اعجبتكم
اشكركم على كلامكم الجميل
واشكر لكم تواصلكم
يا اغلى ناس
الله لايحرمني منكم