هذي قصيده جذبتني فكرتها فحبيت اطرحها لكم...؟؟
[align=center]لزين قالوا من قديمٍ علامات
عين ٍ ومبسم والجسم والرشاقه
*************
لكن كسر هالقاعده هالمتينات
من واقع ٍ ماهو كلام وبلاغه
*************
اللي محليهن ولو هن ثقيلات
دايم خفاف الدم وفيهم لباقه
*************
الله ياهن ياجماعه لطيفات
وعلى الكلام الحلو فيهم طلاقه
*************
ماهو ضروري بالرشاقه رشيقات
وزود الوزن ماهو بيعني اعاقه
*************
صحيح بعض اللبس يعني اهانات
الوزن بالضيق عديم العلاقه
*************
بس مو ضروري يلبسن استرتشات
يازينهن واللبس واسع نطاقه
*************
لا بارك الله فيك يالضيق بالذات
ترى السعه مرات تعطي اناقه
*************
وقالوا الرجيم اليوم هم البنيات
قلت الرجيم ادري يبيله فراغه
*************
وقالوا الرياضه قلت ماهن مريضات
لسكري لا ما معاهن بطاقه
*************
قابلهن الله بلا رجيم ورياضات
بهديلهم مني من الورد باقه
*************
هن دفئ هذا المجتمع هن رقيقات
هن ملح هن سكر لذيذٍ مذاقه
*************
هن لا سألتوني عن الحب بسكات(((بسكوت)))
بقول هن فيهن على الحب طاقه
*************
ماهو كلام اللي كتبته واشاعات
انا ربطتني مع متينه علاقه[/align]
جميع الحقوق محفوضه لشاعر حمد السعيد