[align=center]يالعود مال الجمر في قصة احراقك((( البخور)))
هم البشر طبعهم قسوه وانانيه
***********
افنيت عمرك وفا لعيون عشاقك
والناس في هالزمن محدٍ ذكر حيه
***********
وجه التشابه كبير الفرق بفراقك
مره احتراقك وانا اللي احترق ميه
***********
يهل الزمن وأن تسوى الليل بأشراقك
بــعـيـون مـن حاضـره يـشبه لـماضـيـه
***********
مـــعـادنــي مـخـايـل ٍ مـزنـك وبراقك
وعسى الشقى مايجي شغله وراثيه
***********
يالحزن لولا الامل والصبر من طاقك
مع الــبـشـر كـن لك روح ٍ عـدائـيه
***********
يالحلو في هالزمن المر من ذاقك
بقول واحد لا بقول اثنين بــالميه
***********
من بعثرك هالزمن من يجمع اوراقك
وان جمعك فأعرف ان الوقت له نيه
***********
يا ضحكة العمر ياني حيل مشتاقك
لا شان وجه الزمن لا تقطع الــجــيه
***********
ما قلتلي وش هالجفى من بعثر اشواقك
وتدري بليالي الجفى ماهي بــعـادايــه
***********
اذا طروك احترق واشتاق لعناقك
واقول تكفون لا تـجـيـبون طاريه
***********
ياما تمنيت اشوفك والمن عاقك
اللي مثل حالتي ياصعب امانيه
***********
قد قالها شاعر عن قولهم باقك
كن البلاوي تشابه مع بــلاويـــه
***********
مدامها بالتمني بطلب فــراقـــك
لان الاماني مع شرواي عكسيهالشاااااااعر / حمد السعيد(منقوله) [/align]