قصة حياتي
السلاااام عليكم ورحمة الله وبركااااااااااته
طبعا القصه باللهجه الاماراتيه
كنت دوم اضحك ع شباب اللي يحبون ماضنيت في يوم احب ... اشرايكم اخبركم قصة حياتي ؟
من يوم كنت اضغير اشوفها جدامي كانت جميله وووااايد وكان الكل ينجذب ليها الا انا ما كنت اعطيها اي اهميه ودوم اطنشها واذا رمستني الف ويهي عنها ( غصب ارمسها ) . فيوم من الايام يتني وقالت : انت ليش ماتحبني ؟... فستغربت منها مثل كل مره اعطيتها ظهري ومشيت عنها فصاحت وقالت باعلى صوتها : انت واحد مغرور وشايف نفسك فوق ليش ؟ لان عندك بيزات وايد ؟ ... اطالعتها وضحكت وتميت اضحك لين قلت بس وهي اصيح ازياده قلتلها : اولا ياحظ الغرور فيني وثانيا انا ماحب ارمس بنات .فقالت : ليش .... قلت : كيفي ليش غصب ارمس بنات ..
قالت : حسبتك تكرهني ... قلت : يمكن ليش لا ... ورحت عنها من هذاك اليوم واهي ماترمسني ومرت الايام وشهور والسنين والبنت كبرت وانا كبرت وكان بيتنا ملاصق بيتهم وبلاكونتي مجابله دريشتها . في يوم من الايام كنت داش الحجره بسرعه وكنت قاصد البلكونه علشان اشل دفتري فشفتها فكانت في غاية الروعه فاول ماشافتني سكرت الستاره بسرعه فبتسمت ونسيت ان سالم يانتظرني برع فكنت كل يوم اروح المدرسه اشوفها واقفه ع باب فاول ما شوفني ادش ابسرعه بس كانت اتوايج من الباب اتحسبني ماشوفها وتمت هحاله كل يوم وكبرنا ودشيت الثانويه وتخرجت منها والحمدالله ناجح وهي دخلت الثانويه ودشيت الجيش انا وربيعي سالم فكنت قبل مانام اذكرها وحتى في احلامي اشوفها فحبيتها ... نعم حبيتها وتلوعة فيها وانا مادري .
فيوم ياني سالم وخبرني انه خطب بنت فوافقوا عليه فباركتله وتميت احن عليه علشان اعرف من هي خطيبته ... ويالتني ماعرفت طلعت البنت اللى احبها هي نفسها اللي خطبها سالم فنصدمت فيوم شافني مصدوم ...سالم: اشفيك احمد لايكون تبغي البنت ؟ ... فبتسمت وضحكت وتميت اضحك لين دمعت لاماكنت ادمع كنت اصيح فتم يطالعني وهو مستغرب.. احمد : انا احمد الــ احطي بنت فبالي هاك الساعه مابكون احمد الـــ ... فقال:صدق انك مغرور ... فقلت : يناسبني الغرور المهم مبارك عليك وان شاء الله اول ولد اسميه احمد على اسمي اوكي .... سالم : اكيد مايباله كلام وانت بعد يوم اتعرس سم اول ولد على اسمي ... فقلت: بفكر هههههههههاااااي اكيد مايباله كلام ... وانا اقول فخاطري مستحيل ازوج من غيرها ...فوايهته ورحت عنه ورحت البحر وتميت اصيح اكتشفتت اني احبها من يوم كنت اصغير كنت يوم اشوفها اترمس حد ثاني اعصب عليها واهي تطالعني ومنصدمه وتميت اذكر كل المواقف يوم كنت معاها وتميت اصيحه ورديت البيت يوم اذن الفير اتوضيت ورحت اصلي بعدين رحت انام ،وياني سالم ثاني يوم يعزمني على عرسه (الملجه والعرس في يوم واحد) وتميت اتعذر اني ماروم اي في هاليوم واني لازم اروح عيمان (عجمان) لان عندي شغل هناك فحلف علي اذا مايت العرس انه يمشي بطريج وانا امشي بطريج ثاني يعني بنفترق وانا مستحيل افترق منه يعني لازم اي ... هذا اربيعي من يوم كنت اصغير ونحن ربع....ويا يوم الخميس ورحت العرس وقلبي ينزف دم وكل ماقتربت من بيتهم اذكرها ويزيد نزفي ....وصلت البيت وشفت سالم مستانس فقلت فخاطري:انا لازم انساها لانها صارت حرمة سالم وانا كيف ارضي ادوس شرف اربيعي خلاص اتخذت القرار اني انساها ورحت وتميت ارزف وقلبي يتقطع فباركتله ورحت عنه ومرت السنين والحين كل يوم اشوف احمد الصغير جدامي اشكثر يشبها طبق الاصل وانا كملت 23 سنه ولين الحين هب متزوج لاني عايف كل بنات الدنيا بس هي ...وهني خلاصت قصة حياتي
اكيد بعضكم يتسائل مدام هو يحبها هكثر ليش ماصارح اربيعه يوم سائله ؟ انا بجاوبكم لان اربيعي اعترفلي من قبل انه يحبهاااا فعلشان جيه ماخبرته
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
