قصة مأساويه .. حدثت امام عيني
السلام عليكم ورحمة الله وبركاته
اشحالكم اخواني واخواتي
صحيح اني قطعت منكم فترة يمكن طويله
بس انا بحدثكم سبب غيابي منكم وبختصر الوقت
في يوم من الايام قلت بطلع ويا ربيعي ... نمتشى على الكورنيش
قابلت ربيعي ونمشي ويا بعض
ونسولف ونضحك ونستانس
وفي ذاك اليوم كان يوصيني
وانا كنت مستغرب منه ... كأنه اخر يوم عنده
وكنت مب مستوعب منه لهذي الدرجه
المهم كنت امشي معه وكانت السيارة من الجهه المقابله
فقطعنا الشارع الأول .. وفي الثاني .. ركضنا وانا وصلت الرصيف
وكانت السيارة مسرعه.. وربيعي يوم قرب من الرصيف .. كان في زيت في الشارع
وربيعي زلق .. والسيارة كانت مرة قريبه
مسكت بيديه وحاولت اسحبه لكن زلق من يدي .. والسيارة ما مداها توقف
واندهس بالسياره قدام عيني .. وانا لحد الحين اشوف هذا المنظر
ما قدرت اتحرك من مكاني
وتوفى قدام عيوني
ما كنت اعرف شو اسوي
ماكنت اعرف اتصرف
وعلى فكرة يا اخوني واخواتي
ربيعي كان اسمه ... لاب توب (الكمبيوتر حقي)
طاح من يدي ودهسته السيااااره وتكسر
ادريبكم بتكرهوني ... بس القصه خرافيه
ههههههههههههههههههههههههه
والصراحه اشتريت لاب توب جديد عشان اسولف وياكم
مشتاق لكم
هههههههههههههههه
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
