تكون بفمك تمره .. والنصيب يسوقها للغير// كذا .. طبع الزمان اقشر..كذا الأيام دواره

ثلاثيــني تعدّت والهقــــاوي خانها التعبيـــر
0000000000000000انّوخ هقــــوتي تاره ... وأشد ركابـها تاره


انوّخـــها واشّد ركابها .. وبعيـر بأثر بعيـر
0000000000000000واشوف الوقت يطحنّي رحاه بجـاير اقداره


وابوي يقول .. قدّر .. كلّ شي بها لزمن تقدير
0000000000000000ترى من هدّ داره ... قلّ عند الناس مقداره


يابوك الحرّ حرٍّ ... والعصـيفيـــر اسمه عصـيفيــــر
0000000000000000وانا خابرك حرٍّ تفهم المقصــــــود بإشاره


ترى طير الرخم يابـوك ماهو من حرار الطـير
0000000000000000ولو يعجبك في حومــه .. وجنحانه .. ومنقاره


ولو جاك من اعاصير الزمان المر( شبه اعصير)
0000000000000000ترفّع خل عنك هــروج ( ابو نواس) واخبــاره


نسيت أيـام كنّا .. لاظمـينا نشــرب من البـير
0000000000000000سقى ذاك القليب اللي تصافق ماه بحجـاره


حفـرناه بيــدينا .. كلّبــينا .. عــودنا وصغـير
0000000000000000زمان ٍ كان فيه الجار .. يفدي بـوْلده .. جـاره


ليا اشتّد الهجــير نقول .. هين تاليته عصيــر
0000000000000000رجال ٍ ما جزعنا من عجـاج الوقت وغبـاره


وعزّ نفوسنا كنه يقول .. اللي يصير يصير
0000000000000000على العزّه مفاطـــيم .. وعلى الأقدار صبّاره


تكون بفمك تمره .. والنصيب يســوقها .. للغير!!
0000000000000000كذا .. طبع الزمان اقشر .. كذا .. الأيام دواره


زمان ٍ عقّب النشمي على المركى بنافخ كيــر
0000000000000000وتشوف اللي يبيعون الدجاج اليوم صقاره!!


وانا .. رجل ٍ لمح برق ٍ .. فـهلّل واكثر التكبير
0000000000000000وصلّى عالرسول احمد .. نبي الله ومخـتاره


جهره النوض واستبشـر يباسه بالمطر والخير
0000000000000000بذاك الصيف .. واثر اكثر.. بروق الصيف غدّاره


لقى ثـروة شبـابه بأيد حظًّ يعشق التبذير
0000000000000000رمى باحلى سنيـنه للهمـوم وكثـرة اسفــــاره


غرس نخل الصفاري بأرض ناس ٍ يزرعون شعير
0000000000000000وفي جني الرطب عيّوا عليه يجنّي ثمــــاره!!


وانا مانيب من يسكت على ضيم الغبينـه.. ميـر
0000000000000000اشوف ان الحصاني هالزمان تناطح نمـــاره!!


يقولون العرب .. خلّ التعجّل واحسن التفكــير
0000000000000000وانا راسي لعب فيه الصداع وشتت افكـاره


ولو هدّتـك ياقلبي سنيــن الهم والتعــــــزير
0000000000000000تحمّل .. لاتكدّر .. (سدّ مآرب) هدّتــــه ... فاره


بسيطه ياذنوبي لو تخونك شرهة التكفـــير
0000000000000000عسى ضيم السنين اللي مضت بالعمر كفاره


ثلاثيني تعدت ... حلم .. ماحصّلت له تفسيـــر
0000000000000000انّوخ هقــــوتي تاره ... وأشد ركابـها تاره

[خليني على بالك]

تكون بفمك تمره .. والنصيب يســوقها .. للغير!!
0000000000000000كذا .. طبع الزمان اقشر .. كذا .. الأيام دواره

انا اشهد دوااااااره

صح لساااااااااااااااانك

وماقصرت ..


اخوك خليني علي بالك

تكون بفمك تمره .. والنصيب يســوقها .. للغير!!
0000000000000000كذا .. طبع الزمان اقشر .. كذا .. الأيام دواره

آآه ياهذا الزمن

صح لسانك

وابوي يقول .. قدّر .. كلّ شي بها لزمن تقدير
0000000000000000ترى من هدّ داره ... قلّ عند الناس مقداره
تكون بفمك تمره .. والنصيب يســوقها .. للغير!!
0000000000000000كذا .. طبع الزمان اقشر .. كذا .. الأيام دواره

اخوي الغالي
لا وصف ولا تعليق لكلماتك الرائعة والمدح في كلماتك إنقاص لها كل ما قلتيه رائع وباهر تعجب به العقول وتدهش له القلوب كتبتي فأبدعتي فوصلني كلاماً يحمل إحساساً خلاباً الله لا يحرمنا من قلمك وننتظر جديدك

مشـــــــــــــــــــــــ ـــــــــــــكورين على مروركم وردودكم

نقل موفق واختيار جميل بارك الله فيك