اخر الخدمات من الاتصالات السعودية
اخر الخدمات من الاتصالات السعودية
"الرسالة النصية على الهاتف الثابت "
تقدر الحين من جوالك تكتب رسالة وترسلها على اي تلفون ثابت مثلا الى 01464xxxx
ومباشرة راح يجي اتصال على الثابت من "رد الي "
وبيقول لديك رسالة من الرقم **** وبيقرا لك الرسالة صوتيا ،
طبعا القرايه الله بالخير تقول بنقالي توه متعلم عربي
المهم انك تقدر تفهم الرسالة بس صوت الرد الالي
الان مقصر عليه شكل فيه احد نايم عندهم
طبعا هالخدمة لسى تجريبية
لأنه ايضا تقدر بعدين تشتري جهاز تلفون خاص
موجود بالسوق وتطلع لك الرسالة مكتوبة
وايضا تقدر تكتب رسالة من الثابت وترسلها على الجوال
او ترسلها على اي بريد الكتروني
" خدمة على حسابي "
هذي الخدمة تخليك تقدر تتصل على زميلك
وتصير تكلفة المكالمة على زميلك "يعني التكلفة على المستقبل "
طبعا بعد موافقة المستقبل
والطريقة كالتالي :
حط نجمة 199 نجمة ثم رقم زميلك ثم مربع واضغط على اتصال
#رقم زميلك * 199*
واضغط على اتصال
مباشرة راح يجي زميلك اتصال من الرد الالي
يقوله فيها " ان فلان يبغى يكلمك على حسابك"
اذا موافق اضغط نجمة
اذا ضغط زميلك نجمة خلاص المكالمة
بتصير على حساب زميلك ويتم الاتصال
" رسالة صوتية الى الجوال"
هذي خدمة تتيح لك انك تسجل رسالة صوتية
ومباشرة ترسل الى زميلك ويقدر يسمعها باي وقت ،
وهالخدمة تفرق عن البريد الصوتي بسرعتها وبسهولتها
وايضا متاح وقت طويل تسجل فيه المكالمة
ويقولون بيحطون في اعلانات الخدمة اذا كان الواحد
زعلان من "صديقه" ومايرد على مكالمته يقدر يرسل اعتذاره بهالخدمة
والطريقة كالتالي اضغط على نجمة ثم 7 ثم حط رقم جوال زميلك واضغط على اتصال
بيرد عليك جهاز يقولك سجل رسالتك الصوتية وسكر الخط
وبعدها بتوصل رسالة نصية لزميلك تقول له لديك رسالة صوتية
اذا رغبت في سماعها اضغط على نجمة 7 نجمه اتصال
وبعدها بتسمع الرسالة
"تنفيذ خدمات 902 باوامر الخدمة من الجوال "
طبعا معروف انك تقدر تستعلم وتنفذ خدمات 902
عن طريق الرسائل النصية بس متعبه نوعا ما
لأنك كل شوي بتدخل على رسالة جديدة وتكتب
لكن هالخدمة اسهل وهي :
اضغط على نجمة 902 مربع ثم اتصال
بعدها تقدر تتنقل بين الخدمات بسهولة
تحياتي لكم
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
