مســتـــــ الرجـــــــة ــــــــــــوى...إختبر نفسك!!!
يا مسااااااء الرجة
هل أنت مرجوج ؟
وإذا كنت كذالك .. ماهو مستوى رجتك ؟
ومالعلاج ؟
للإجابة على هذه الأسئلة ماعليك سوى اجراء هذا الاختبار النفسي ..
السؤال الأول :
انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :
1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .
2- توخر النملة عن وجهك و تنتفها وانت تلعنها وتشتمها .
3 - تخلي النملة تدخل خشمك .
السؤال الثاني :
رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :
1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الرياااض .. حب ورثته من الجدوووود
هع هااااااااااااااااااي والله تسحيبة يمة .
2- تجي بشويش من ورى أمك وهي سرحااانة وتصرخ في أذنها وتقول : مساااااتس الله بالخير .. وطبعاً هي بتنفجع وبتقول وجع الله يمسيك بعصا إن شاء الله .
3- تطلع غرفتك وماتسوي شيء
السؤال الثالث :
انت توك مقيل وماخذ لك قيلولة على كيف كيفك ونااازل الصالة إلا وتشوف خواتك الصغااار عند سبيس تون طااايرة عيونهم .. وش تسويييي :
1- تجي يعني انك تكنس وتغطي عليهم التليفزيون <<< أحلى يا أليسا
2- تجي يعني انكك بتشبك شاحن الجوال وتقوم تفصل فيش التليفزيون .. وتقول : أوه آسف .
3-تقعد تتفرج معهم.
السؤال الرابع والأخير :
بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :
1- تنسم كفراته الأربعة .
2- تسلم عليه وتلزم عليه يعزمك على العشاء .
3- تشتري له تويكس معك
النتيجة :
أعط نفسك لكل اجابة رقم واحد 3 درجات
ولكل اجابة رقم 2 درجتين
ولكل اجابة رقم 3 درجة وحدة
12- 9 :
أنت مرجوووج جداً ..:p
حالتك خطيرة .. وقد تتحول رجتك إلى هبااال رسمي .
الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .
8 -5
أنت مرجوج بس على نذااالة شوي ..;)
مستوى رجتك معقول لكن لا تستخف دمك كثير لأنك ستجيب العيد .
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
كل عصفور قبل الغدا مرة في السنة .
4 - 1
يا أخي انت ما انت في الدنيا .. ميت والناس حيين ..
انتبه على نفسك لأن أهلك احتمال ينسووووك إذا ببغو يسافرون.
الحل : كورس رجة مكثف عند أعلام الرجة في المنتدى
ويا كثرهمممممممممممممممم
خخخخخخخخخخخخخخ
يالله شدووو هممتكم ابي اشوف ردودك
ترى الموضوووع ملطووووووووووش
:D تقبلــــــــوا رجتــــــــــــــي:D
ههههههههههههههههههههههه
رد مع اقتباس
الموضوع ومافيه أن هاليوزر سيتم ركنه حتى أشعار آخر ويستخدم فقط للدعم الفني .
